لأنه الكوميديا هي أحسن طريقة نحكي ونعبر فيها عن حياتنا، مشاكلنا، عاداتنا، أوجاعنا، ومش بس بنسخر منها! لأ، احنا بنقدمها وبنحاول نلاقي حلول إلها، لنغيّر من خلالها واقعنا للأفضل.

ومن هون بتيجي أهمية الكوميديا، لهيك قرر يزن أبو الروس ومعين مسعود في سنة ٢٠١٩م، إطلاق مبادرة نادي عمان للكوميديا في الأردن، وكانت أول مبادرة من نوعها في العالم العربي لتدريب الشباب الموهوبين في فنون الستاندآب كوميدي، والكوميديا الارتجالية، والكتابة الساخرة، وإنتاج المحتوى الكوميدي.

هدف النادي الأول هو إنشاء جيل جديد من الكوميديين في الأردن والعالم العربي من خلال تنمية مهارات الشباب والشابات العرب في مجال الكوميديا ​​والفكاهة، وبالتالي رح يصير عنا جيل جديد من الكوميديين الموهوبين وصنّاع المحتوى، وكلنا ثقة إنهم رح يصنعوا تغيير جذري في عالم الكوميديا الأردنية والعربية.

Read More